Fjölbrautaskóli Suðurnesja

Starfsnám er mjög fjölbreytt hvað varðar skipulag, umfang og inntak. Námið er oftast verklegt og bóklegt og fer fram í skóla og á vinnustað. Námstími er mislangur, allt frá einni önn upp í fjögur ár. Námið getur leitt til tiltekinna starfsréttinda sem eru lögvernduð, eða veita undirbúning og þjálfun fyrir tiltekin störf án þess að um lögvernduð starfsréttindi sé að ræða. Hér á eftir má lesa lýsingar á starfsnámi, markmiðum þess og lengd námsins. Gagnlegar upplýsingar má finna á vef menntamálaráðuneytisins og vef Iðunnar fræðsluseturs.

Löggilt iðngrein. Markmið námsins er að nemendur öðlist skilning, þekkingu og færni til sinna allri smíðavinnu í bygginga- og mannvirkjagerð hvort sem um er að ræða verkstæðis- og innréttingavinnu, úti- eða innivinnu á byggingastað eða viðgerða- og breytingavinnu. Meðalnámstími, að meðtöldu grunnnámi bygginga- og mannvirkjagreina, er fimm annir í skóla og 72 vikna starfsþjálfun. Náminu lýkur með sveinsprófi.