-
Námsleið: Almennt nám
-
Námsbraut: Almenn braut
Almenn námsbraut er opin öllum nemendum sem hafa lokið grunnskóla. Nám á brautinni er breytilegt eftir skólum en hver framhaldsskóli skipuleggur námsframboðið og birtir í skólanámskrá. Námsbrautin hentar nemendum sem eru óráðnir og hafa ekki gert upp hug sinn varðandi áframhaldandi nám og þeim sem vilja undirbúa sérstakt nám eða afla sér þekkingar á afmörkuðu sviði. Nemendur geta innritast á almenna námsbraut með mismunandi þarfir í huga. Suma vantar ef til vill aðeins herslumun í kjarnagreinum til þess að geta haldið áfram námi á öðrum brautum innan skólans en aðrir þurfa að bæta verulega við sig eftir nám í grunnskóla til þess að geta haldið áfram námi. Námið getur tekið eitt til tvö ár og miðast við þarfir einstakra nemenda og möguleika viðkomandi skóla til að koma á móts við þær. Hver skóli skipuleggur nám á almennri námsbraut og skilgreinir í skólanámskrá.
Námslína: Almenn braut
Þessi lína er ætluð nemendum sem uppfylla ekki almenn lágmarksskilyrði á aðrar námsbrautir framhaldsskólans.
Upplýsingar skóla um námið
Undirstaða í kjarnagreinum og upplýsingatækni- og listgreinar. Á brautinni er lögð áhersla á að auka færni nemenda í samskiptum og sjálfstæðum vinnubrögðum.
Upplýsingar skóla um inntökuskilyrði
Brautin er ætluð nemendum sem ekki hafa gert upp hug sinn varðandi val á námsbraut og þeim sem ekki uppfylla inntökuskilyrði á aðrar námsbrautir og þurfa að bæta undirbúning sinn í bóklegum greinum.
Lengd náms og einingar
Annir: frá 2 til 2
Einingar: 24
Námsgerð í boði:

Dagskóli