Menntaskólinn á Tröllaskaga

Menntaskólinn á Tröllaskaga

Menntaskólinn á Tröllaskaga er dreifnámsskóli í Ólafsfirði sem mun hefja starf nú í haust. Skólinn mun starfa eftir nýjum lögum um framhaldsskóla sem gefur aukið svigrúm í námsvali til stúdentsprófs og framhaldsskólaprófs. Skólinn býður upp á metnaðarfullt nám með fjölbreyttum kennsluháttum sem miða að virkni nemenda og sjálfstæði. 

Miðað er við að nemandinn ljúki námi í skólanum á samfelldum vinnudegi þar sem námið skiptist í nám undir verkstjórn kennara, sjálfstætt nám með aðgengi að námsaðstoð eða fjarnám. 

Stefnt er að því að allt námsefni utan kennslubóka sé í kennslukerfi skólans ásamt verkefnum og öðrum upplýsingum. Á sama hátt er stefnt að því að öll skilaverkefni sem það á við verði skilað í sama kennslukerfi.

Einkunnarorð skólans eru: Frumkvæði - Sköpun - Áræði

Í nýjum skóla er mikilvægt að starfsmenn og nemendur hafi frumkvæði til að efla skólann og skapa honum sess. Sköpun er grunnþáttur enda lögð áhersla á listir og menningu í skólastarfinu. Sköpun einskorðast þó ekki við slíka þætti heldur hvatt til þess að skapandi hugsun sé leiðarljós í öllu námi. Áræði er nauðsynlegt til að hafa þor til að feta nýjar slóðir sem Menntaskólinn á Tröllaskaga byrjar að troða í haust.

Athugið: Stefnt er að því að nemendur sem þurfa að fara um Ólafsfjarðarmúla til skóla eða í starfsnám geti stundað nám í fjarnámssetri á Dalvík þegar veður hamlar ferðum frá Dalvík en fresti starfsnámi sé ferðin frá Ólafsfirði.