Starfsnám

Starfsnám er mjög fjölbreytt hvað varðar skipulag, umfang og inntak. Námið er oftast verklegt og bóklegt og fer fram í skóla og á vinnustað. Námstími er mislangur, allt frá einni önn upp í fjögur ár. Námið getur leitt til tiltekinna starfsréttinda sem eru lögvernduð, eða veita undirbúning og þjálfun fyrir tiltekin störf án þess að um lögvernduð starfsréttindi sé að ræða. Hér á eftir má lesa lýsingar á starfsnámi, markmiðum þess og lengd námsins. Gagnlegar upplýsingar má finna á vef menntamálaráðuneytisins og vef Iðunnar fræðsluseturs.

Náminu er ætlað að veita nemendum grunnþekkingu og færni á sviði almennra þjónustustarfa með áherslu á verslunarstörf, auk almennrar menntunar í bóklegum greinum. Einnig að þjálfa verklega færni og hæfni sem nýtist til starfa á atvinnumarkaði. Námið er alls 77 einingar og skipulagt sem fjögurra anna nám, þar af vinnustaðanám 10 vikur.